IZINGWAZI zakuleli kwiDiamond League eMorocco.
ZIZOKHIPHANA inkani emlenzeni wesithathu weDiamond League izinkunzi zase-Afrika amabangeni amafushane. Lo mjaho uzokuba ngeSonto lapho kubhekwe u-Akani Simbine ukuba aqhubeke npmgqigqo wakhe kwi-100m.
USimbine nguyena onesikhathi esisheshayo kwi-100m emhlabeni nonyaka kulandela ukwenza isikhathi esiwu-9.86sec ngeledlule e-Atlanta.
Lo msubathi uzokube ebhekene noFerdinand Omanyala waseKenya ophethe irekhodi lase-Afrika le-100m, kube nguLetsile Tebogo waseBotswana ongumpetha we-200m kuma-Olympic.
Omunye umsubathi wakuleli ozokube ebagadulisa kwi-100m nguShaun Maswanganyi obeyingxenye yeqembu lesizwe lakuleli elibuye nendondo yesiliva kwi-4x100m kuma-Olympic Games abeseFrance.
Abanye abasubathi bakuleli ababhekiwe nguFred Kerly ukubala nje abambalwa.
Omunye umssubathi wakuleli obhekiwe kulo mjaho nguWayde van Niekerk ozokube enza i-200m. UWayde uzokube egadulisana nomsubathi wakuleli uBenjamin Richarson kanti noTebogo uzokube eyingenye yale-200m.
UZakithi Nene osanda kuqopha isikhathi esiwu-43:64 kwi-400m okuyisikhathi esisheshayo emhlabeni nonyaka uzokube ebagadulisa kwi-400m.
UPrudence Sekgodiso kubhekwe ukuba aqhubeke nokuzidlela amahlanga kwi-800m. Kwi-400m Hurdles kwabakuleli kukhona uZeney van Der Walt noRogail Joseph