SEKUZOPHELA ukuqagela ngozohola i-ASA njengoba selukhishiwe uhlu
BAYISIHLANU abagaqele isikhundla sokuhola i-Athletics South Africa (ASA) ezokuba nokhetho lokuqoka ubuholi obusha mhla ka-31 kuMay. Kumanje i-ASA iholwa nguJames Moloi ongene kuyo ngo-2021.
JAMES MOLOI
Kwabagaqele isikhundla sokuhola lenhlangano eyengamele ezokugijima kuleli, nguJames Moloi ozokiube ebanga nesekea lakhe nguShireen Noble, ngu-Aleck Skhosana, nguJohn Mathane noHarold Adams. Uhlu lokugcina lwabagaqele ukuhola i-ASA sikhishwe ngama-Auditor. Ngokwe-ASA kuthiwa kuyaqala ukuba nabantu abaningi kangaka abaqaqele isikhundla sokuhola i-ASA.
ALECK SKHOSANA
Nabaqele isikhundla sokuba yisekela yiso leso njengoba beyisithupha kuso. Kusho uShireen Noble, uJohn Mathane osanda kuqokwa kwesokuba ngumengameli we-Athletics Gauteng North (AGN), uKarabo Mabilo, uSticks Stiglingh, uHarold Adams noSteve Mkasi ophethe iKwaZulu-Natal Athletics (KZNA) ezokuba nokhetho mhla ka-14 kuJune okuyinto oxakayo kwazise bekufanele kuze olwe-ASA zonke izifunda seziqokile.
SHIREEN NOBLE
Yize bebaningi kangaka abaqagele lezi zikhundla ezingenhla abanye bazohoxa ukunikezela abangani babo amavoti. Okuvelile kulo luhlu olukhishwe kubukeka kungabagijimi bodwa abazokube bebanga isikhundla se-Athetes Commission okunguGladwin Mzazi, nguLudwick Mamabolo onqobe iComrades Marathon ngo-2012, uKesa Molotsane odle umhlanganiso kwiSpar Grand Prix ngo-2017, uHendrick Mogkanyesti okunguye ophethe lesi sikhundla futhi obengumgijimi ohlonishwayo we-400m ukubala nje abambalwa.
JOHN MATHANE
KuTrack and Field Commission kubanga uJean Verster noPieter Lourens. Angase athwale kanzima u-Enock Skhosana esikhundleni sakhe seRoad Running Commission njengoba ebanga noMike Mbambani. KwiCross Counrty kushubile phakathi kukaJake Jacobs, nguNorma Nonkonyane, nguRene Coetzee noMmatli Jantjie Theletsane. Okhethweni lokugcina lwe-ASA ngo-2021 iKZNA yakhishwa yonke ngesikhathi kukhishwa uSkhosana ngenxa yokuthi yaya kulo iyinhlakanhlaka.
SELLO Mokoena okungacaci ngokuya kwakhe kwi-ASA
Nakulo nyaka kungase kwenzeke okufanayo njengoba kunamahlebezi athi uMkasi useka uMoloi akahambisani noSkhosana.Lolu khetho lungase lube nezihibe ngemuva kokuba iKZNA ithathe isinqumo sokuhoxisa igama likaSello Mokoena. Kuthiwa uMokoena ufake icala kwathiwa kufanele naye anikwe ithuba lokuba yingxenye yokhetho. Kuthiwa lokhu kwenzeke sesihambile isikhathi kanti i-IEC ibivele isilushicilele uhlu lwamagama abantu abazongenela ukhetho.