KUVULWA NGOLWESITHATHU UKUBHALISELA ICOMRADES MARATHON
KUVULWA ngoLwesithathu ukwamukela imingenelo yeComrades Marathon yangonyaka ozayo ezokuba mhla ka-8 kuJune isukela eThekwini isongwe ePoeple’s Park eThekwini. Umjaho wangonyaka ozayo kuzokube kungoka-98 kanti wethulwe ngokusemthethweni ngoLwesithathu eComrades House, eMgungundlovu.
Imingenelo izovula ngoLwesithathu ivalwe mhla-9 December noma uma sesitholakele isibalo esidingekayo okuwu-23 000. Imali yokubhalisa ngu-R1200 kubasubathi baseNingizimu Afrika kuthi abase-Afrika bakhokhe u-R2000, abaphuma phesheya kwezilwandle kube wu-R4500.
Usihlalo weComrades Marathon Association (CMA) uJeff Minnaar uthe balindele umjaho osezingeni eliphezulu ngonyaka ozayo yize yena ezokuba engasekho njengoba lenhlangano izokuba ne-Annual General Meeting ngoDecember.
“Kangingakazi ukuthi umjaho wangonyaka ozayo uzokuba sezingeni eliphezulu futhi nginethemba lokuthi labo abazongena ngenyanga ezayo bazokwazi ukukwenza lokho. Nonyaka isiqubulo sethi sithi “More than A Race – Isiko Mpilo,” kusho uMinnaar.
AbeCMA bathe imiklomelo yanonyaka bazoyenyusa ngo-10%. Izinqwele zizohlomula ngo-R874 000 ngokuhlukana kobulili kuze kufike kwabazongena unombolo 10 abazohlomula ngo-R36 000. Kuthi umsubathi ozokwephula irekhodi lakuleli athole u-R550 000. Irekhodi labesilisa liphethwe nguTete Dijana ngu-5:13:58 kanti elabesifazane liphethwe ngu-5:44:54. Umsubathi wokuqala waseNingizimu Afrika uzohlomula ngo-R220 000 ngaphezulu.
Abafuna ukungenela lo mjaho okungowesi-98 nonyaka bangangena kwi-website ethi: www.comrades.com.
