Kudlule emhlabeni abasubathi abane abebeyingxenye yeBest of the Best Marathon
AMARAVENS Athletics Club adlulisa amazwi endunduzo emndenini wabasubathi abane baseGoli abebeyingxenye yeBest of the Best Marathon ngeSonto abadlule emhlabeni.
Laba basubathi kuthiwa bavelelwe ingozi endleleni sebephindela emakhaya eGoli ambebehamba ngemoto eyodwa.
Abadidiyeli balo mjaho obuhlanganise i-42km, i-21km, i-10km no-5km bakuqinisekisile lokhu ekhasini labo leFacebook.
Lo umbiko uqhuba uthi okunye okuningi bazokudalula uma sebehlangene nemindeni yalaba basubathi kanye nezinhlelo zokubekwa kwabo ezindlini zabo zokugcina
“Sithanda ukudlulisa amazwi endunduzo kwimindeni elahlekelwe, abangani, abagijimi ozakwabo abebegijima nabo. Sinani kulesi sikhathi esibuhlungu. Sengathi imiphefumulo yabo ingaphumula ngokuthula,” kusho umbiko ophuma kubadidiyeli beBest of the Best.
