AMAJUBA ABE YIZINGQWELE ZE-KZN DISABILITY GAMES
AMAJUBA abe yizingqwele zemidlalo yesifundazwe ama-disability Games abebanjelwe ezinkundleni ezahlukene eThekwini.
Lo mqhudelwano uqale ngoMgqibelo wasongwa ngeSonto ezinkundleni ezahlukene ezakhele iTheku.
Bekugaduliswana kwezokugijima, unobhutshuzwayo, iWheelchair Basketball, iTable Tennis, iNetball neminye.
UKhawula unxenxe uhulumeni ukuba uqinisekise ukuthi kuyo yonke into oyenzayo kabasali ngaphandle abantu abaphila ngokukhubazeka ngoba le midlalo iletha ukuzethemba kubona.
“Ngijabule kakhulu ngenxa yethalente engilibone ngihambele lo mqhudelwano.
“Indlela abadlala ngokuzimisela ngakhona kungithintile. Ngakho-ke siwuhulumeni kuzofanele siqikele ukuthi abantu sibanikezela amalungelo alinganayo.
“Singabheki ukuthi omunye umuntu unjani. Le midlalo iletha ubumbano futhi ibuyisa nokuzethemba kubantu.
“Ukunyakazisa umzimba kuyasiza ukulwa nezifo nokuthi umuntu ahlale ephilile.Sizoqinisekisa ukuthi lemidlalo iyaqhubeka minyaka yonke.
“Ngiyababongela bonke abaphumelele ikakhulukazi Amajuba okuyiwona anqobile,” kusho uNgqongqoshe.
Amajuba aqede enamaphuzu awu-14 elandelwa yiTheku ngawu-9 kwathi Ilembe lathola amaphuzu awu-8. Amajuba anqobe kwezokugijima, uMlabalaba, iChess nakunobhutshuzwayo.
