IBIHANJELWE ngungqongqoshe uKhawula iBV Mthethwa Tournament
IBIZINYAZISWE ungqongqoshe wezemidlalo wesifundazwe uMntomuhle Khawula iBV Mthethwa Tournament lapho bekugaduliswana emidlalweni eyahlukene ihlelwe iMfolozi Municipality. Bekuqhudelwani emidlalweni kwibhola lezinyawo kubo bobubili ubulili, ezokugijima, iNetball, iDance, eBoxing, iKarate neminye eminingi.
Unobhutshuzwayo yiwona obuvelele lapho iSantos ibe izingqwele yakhale yemuka no-R130 000 kwathi iSporting salala isibili sahlomula ngo-R60 000 isithathu kwaba yiNhlangwini yazuza u-R30 000.Ebholeni lo mqakiswano izingqwele kube yiHot Babes (R50 000), isibili iTogether (R16 000) kwathi iFire Babes yalala isithathu yathola u-R10 000.
Lo mqhudelwano wokuhlonipha uDr BV Mthethwa ubuhanjelwa uNgqongqoshe wezemidlalo wesifundazwe uKhawala. Imeya yaseMfolozi uXolani Bhengu inxenxa intsha ukuba izimisele entweni eyenzayo. Uthi ngalo mqhudelwano obudlalelwa eSiyabonga Sangweni Sports Complex bafuna ukukhiqiza abanye oSangweni bakusa owayeyibambe kwi-Orlando Pirates nakwiBafana Bafana.
“Umqhudelwano wethu wanonyaka sikhethe ukuwubiza ngoBV Mthethwa owayiyimeya yasoThungulu ingakabizwa ngeKing Cetshwayo ngenxa yamagalelo akhe kwezemfundo nakwezemidlalo. Sinethemba lokuthi noma kwenzeka siphuma emandleni nabongena boyoqhubeka nawo lo mbono. NgoLwesihlanu sibe nesifundo sakhe uDr Mthethwa.
“Imidlalo ihambe kahle kakhulu. Nginethemba lokuthi abadlali baseMfolozi bazokwenza kahle kwiKing Cetshwayo Mayoral Cup. EMfolozi sinabadlali abaningi abadumile. Nakulo mqhudelwano sifuna ukukhiqiza abanye esizobabona begijima kwiMilford FC nakwiRichards Bay okungamakilabhu alapha eKing Cetshwayo nakwamanye. Ngiyafisa ukuba intsha yethu izimisele kakhulu kunakuqala njengoba siya kumaSalga Games ngoDecember,” kusho uBhengu.ABAMAZULU bachazekile ithalente kwiNkandla Mayoral Cup
Imeya iqhube yathi abadlali kufanele babukele kubadlali abafana noThamsanqa Sangweni, uSiboniso Gumede, uMbongeni Mzimela nabanye abake bagijima esigabeni esikhokhelayo kunobhutshuzwayo kuleli. Lo mqhudelwo bekungowokukhetha isikwati saseMfolozi esizokube yingxenye yeKing Cetshwayo Mayoral Cup ezokuba mhla ka-18 kwezokwethwasa eShowe. Abanqobile bahlomule ngemiklomelo econsisa amathe ukuze amakilabhu angasweli izibsiza.
Iphethe ngokuthi eShowe kuzokube kunezinhloli eziningi. Ngakhoke abadlali kuzofanele badlale ngokuzimisela njengoba kuzokuthi uma kusonwa imidlalo yaseShowe amabombo abheke eMgungundlovu kumaSalga Games azokuba ngoZibandlela (December).