UWUVALE ngegiya eliphezulu unyaka u-Andisiwe

UWUVALE ngewina unyaka u-Andisiwe Njunguza weXcel Running Club edla umhlanganiso kwiStainbank 15km ngeSonto kanti ngoMgqibelo uthathe indawo yesibili kwiThemba 10km Challenge ebiseKing Park Athletics Stadium, eThekwini.

U-Andisiwe unqobe iStainbank ngesikhathi esiwu-1:03:31 elandelwa nguZama Mokoena obeke u-1:09 kwathi uJanene Carey wathatha indawo yesithathu. Lo mjaho iStainbank kuthiwe umjaho wokugcina ngeke uphinde usaba khona.

“Ngijabule kakhulu ngokuvala unyaka ngewini. Ngibe nonyaka obhizi kakhulu. Njengamanje ngiyadinga ukuphumula ngihlelele unyaka ozayo. Ngigijime kahle kakhulu miningi imijaho engiyinqobile okuyinto engithokozisa kakhulu. Ngiyathemba ukuthi ngizobuya ngonyaka ozayo senginamandla kunakuqala. Ngithanda ukubonga ikilabhu yami iXcel ngokungeseka ngokuba ngikwazi ukuyogijima noma yilaphi lapho ngifisa khona,” kusho uNjunguza.

Imiphumela yeStainbank kwabesilisa ihambe kanje:
1.Ncedisani Phungula 57:56
2.Busani Nsele 53:35
3.Abuya Mchunu 53:38

Kwabesifazane:
1.Andisiwe Njunguza 1:03:31
2.Zama Mokoena 1:09:18
2.Janene Carey 1:09:19

EyeThemba Challenge kwabesilisa:
1.Benjamin Nyongesa 30:02
2.LetlalsaNape 30:53
3.Ayanda Ngcobo 31:10

Kwabesifazane:
1.Busisiwe Chamane 36:35
2.Andisiwe Njunguza 37:37
3.Banele Mbizela 38:00

NGU-ANDISWE Njunguza