Kuzoguga iteku kwiMfundo Lushaba Half Marathon

KUZOGUGA iteku kwezokugijima ngeSonto abasubathi bakhiphane inkani kwiMfundo Arnold Lushaba Half Marathon ngeSonto kusuka ngo-6 ekuseni ezinkundleni zemidlalo eSibanini. Lo mjaho uzokube uhlanganise ne-10km

Lo mjaho uxhaswe ngumasipala uMzumbe. Ngokusho kuka-Emmanuel Lushaba ongomunye wabadidiyeli bawo, uthi konke sekumi ngomumo sebelinde usuku lwangeSonto.

“Konke kuhamba kahle nginethemba lokuthi sizokwazi ukuthola abasubathi abangaphezulu kuka-500. Inhloso yethu ukukhulisa lo mjaho sibe neMarathon ukuze abasubathi abaya kwiComrades neTwo Oceans bazenze lapha izikhathi. Nginethemba lokuthi kogcina kwenzekile lokho.

“Okunye okusithokozisa kakhulu wukuthi abasubathi bendawo bathembise ukuthi bazokube beyingxenye yalo mjaho. Phakathi kwabasubathi balapha abanohlonzo kukhona uMncedisi Mkhize ongene nabokuqala kwiComrades ngo-2007, u-Andisiwe Njunguza osefomini enhle kulezi zinsuku, uSiyabonga Chiliza, uThokozani Mbambo ukubaa nje abambalwa,” kusho uLushaba. Izingqwele zeHalf Marathon zizohlomula ngo-R10 000 kuthi kwabe-10km kube ngu-R4000.

Abafuna ulwazi ngalo mjaho bangangena kwe-website ethi: www.finishtime.co.za.