Bazogqoka iJoma kwiKhabba Cup
BAZOGQOKA izimpahla zakwajoma Sports SA abadlali abazokube beyingxenye yeKhabba Cup ehlelwa nguManqoba Mkhize ezoqala ngeSonto isongwe ngoMsombuluko ibanjelwe eSiphingo Sportsground naseWema Stadium.
UMpho Mngomezulu ongumnikazi weJoma Sports SA uthe balindele ukuba lo mqhudelwano ube sezingeni eliphezulu. Kudlalwa lo mqhudelwano nje,iKwaZulu-Natal izokube imatasa njengoba kunemidlalo yamaSalga neyeFans Cup, yonke iqhubeka eThekwini.
UMngomezulu uthi kusemithanjeni yabo ukuba yingxenye yezemidlalo. Uthi inhloso yabo ukubuyisela emphakathini ngokuthi nawo ubabaxhasa. Uthi ngokugqokisa intsha ngezimpahla zabo bazama ukuyikhuthaza ukuba ingene kwezemidlalo.
“Sifuna ukubona lo mqhudelwano ukhula. Okuhle ngawo wukuthi kuzokube kukhona izinhloli eziphuma emakilabhini eziphumma emakilabhini ahlukne. Ngakhoke abadlali kuzofanele bazimisele. Abanenhlanhla bangase bazibone bethathwa ngamakilabhu eBetway Premiership naweMFC,” kusho uMngomezulu.
Lo mqhudelwano uxhaswe yiJoma Sports SA, iHollywoodbets, iMenziwa Holdings, iMandos, wuMnyango wezeMidlalo wasesifundazweni noMasipala weTheku ukubala nje ebambalwa.