UBhodlele kwiBalwin uMhlanga Half kubhuntsha uhambo lwaseMorocco.
UBHODLELE kwiBalwin Properties Umhlanga Rocks 21km uBongelani Mkhwanazi kulandela ukubhuntsha kokuyogijima eMorocco izolo ngeSonto. UMkhwanazi esebona ukuthi ngeke esaya kogijima eMorocco ube esevukela kuMhlanga Half Marathon wafika wabathela induku.
Unqobe lo mjaho ngesikhathi esiwu-1:05:04 elandelwa ngu-Ayanda Ngcobo owenze isikhathi esiwu-1:07:50 kwathi uLitlhokoa Khoete wangena isithathu ngo-1:10:16.
Lo mjaho ohlelwa yiSocial Runners Club ubungenelwe ngabasubathiu abangaphezulu kuka-3000 okuhlanganisa osaziwayo. Abaningi bagcine bengafikanga kulo mjaho ngenxa yesimo sezulu ebesingesihle ekuseni.
UMkhawanazi uthe: “Ngijabule kakhulu ngokunqoba lo mjaho. Ubunzima unezintaba kanti nesimo sezulu besingesihle. Okungisizile mina ukuthi ngijwayele ukuziqeqesha emvuleni.
“Lo mjaho ngithuke sengihlangana nawo ubungekho ezinhlelweni zami. Bekufanele ngiye kogijima eMorocco engigcine ngingakwazanga ukuya khona, ngavele ngavukela eMhlanga.
Ngaphandle kwemvula nezintaba zaseMhlanga umjaho uhambe kahle kakhulu futhi ngiwuthokozela. Okunye okungithokozisile ukubona imijaho engaphandle kwaseKings Park iba impumelelo nabantu beyihambela ngobuningi babo. Into enhle ukuba imijaho ihambe iye kubantu.”
Lo msubathi uqhube wathi umjaho angase abonakale kuwona iBluff Marathon ehambisana no-21km ezokuba mhla ka-30 kuNovember.
Kwabesifazane ingqwele kube nguBusisiwe Chamane owenze isikhathi esiwu-1:20 elandelwa nguBanele Mabizela kwathi kwathi uNonhle Dlamini wathatha indawo yesithathu.
Isiyonke imiphumela yalo mjaho ihambe kanje,kwabesilisa: 1.Bongelani Mkhwanazi 1:05:04, 2.Ayanda Ngcobo 1:07:50, 3.Litlhokoa Khoete 1:10:16.
Kwabesifazane: 1.Busisiwe Chamane 1:20:01, 2.Banele Mabizela 1:25:46, 3.Nonhle Dlamini 1:28:21.
Eka-10km kwabesilisa: 1.Pakiso Mthembo 30:18, 2.Benjamin Nyongesa 30:18, 3.Sibusiso Kubheka
Kwabesifazane:
