IBeach Blitz ibe izingqwele zeKZN Premier’s Cup
IBEACH Blitz yaseThekwini ibe izingqwele zeKZN Premier’s Netball Cup eqale ngoLwesine yasongwa ngeSonto eManguzi Multi-purpose Centre, KwaMhlabuyalingana.IBlitz ibe izingqwele ngokushaya izingqwele zanyakenye Inkosi All Stars yaseKing Cetshwayo ngo-47-33 emdlalweni obusezingeni eliphezulu.
Lamakilabhu iBlitz neStars aphephe abadlali abasezingeni eliphezulu kulo mdlalo njengoba abanye babo sebeke balunguza eqenjini lesizwe iProteas.IStars idlulele kowamanqamu ishaya iHarrycains yaseHarry Gwala kanti iBlitz yehlule iVigilant Eagles yaseZululand. I-Eagles ibe nomqhudelwano omuhle njengoba iyinqobe yonke imidlalo yokuhlunga kanti kowandulela bedliwa iBlitz iningi labo likhihle isililo.
Elinye iqembu elenze kahle kulo mqhudelwano iHarrycains egcine ibuye nendondo yethusi ngemuva kokuba yehlule i-Eagles.Umengameli weKZN Netball uGugu Ngema udlulise ukubonga kuNdunankulu wesifundazwe uThami Ntuli ngokubahlelela lo mqhudelwano. Uthi lo mqhudelwano ubaluleke kakhulu kani uyabasiza ukuqoka abadlali abazomela isifundazwe kwiTelkom Netball League ezoqala maduze.
IKZN imelwe ngamaqembu amabili kwiTNL okuyiKingdom Stars neKingdom Queens.Uphethe ngokubonga abakwa-Aquelle nokuqhubeka ngokubaxhasa. UMnyango wezemidlalo wesifundazwe oholwa nguMntomuhle Khawula, uMkhanyakude Municipality noMhlabuyalingana obusingethe lo mqhudelwano.
IMeya yaKwaMhlabuyalingana ukhansela uKhansela uKhumalo uthe bajabule kakhulu ngokunikwa ithuba lokusingatha lo mqhudelwano. Ithi iuafisa ukuba babuye nangonyaka ozayo ukuze i-Centre yabo ihlale ibhizi. Ithi lo mqhudelwano uwukhulise kakhulu umnotho waMhlabuyalingana njengoba bezigcwele zonke izindawo zokulala.
Abadlali abenze kahle kulo mqhudelwano bami kanje:Best Attack: Mbali Diphoko (Harrycains)Best Midcourt: Nompumelelo Khumalo (Inkosi All Stars)Best Defence: Nozipho Ntshangase (Inkosi All Stars)Most Valuable Player: Thulisile Maduna (Beach Blitz).
