ISUNDOWNS ETHUBENI LOKUQUKULA INDEBE YECARLING

IMAMELODI Sundowns izobhekana neMagesi FC  engomakoti beBetway Premiership kowamanqamu weCarling Knockout ozokuba mhla ka-23 kuNovember eFree State.

 IDowns idlulele kowamanqamanu ngemuva kokushaya eMarumo Galants ngo-2-0 kowandulela amanqamu obungeSonto eDr Petrus Molemela ngeSonto. 

AmaSandawana azobhekana neMagesi eshaye iRichards Bay ngo-1-0 ngoMgqibelo eMlazi. Lo mdlalo ubuinganqontshwa noma ngubani njengoba ziye ekhefini zibambene ngo-0-0.

Igoli lokuqala leDowns lize noLucas Ribeiro ngomzuzu ka-53 kwathi elesibili labhakuziswa enethini nguNeo Maema ngomzuzu ka-94. 

Lo mdlalo ubunganqontshwa noma ubani ngendlela ebihlasela ngayo iGallants. Ukungena kwegoli leSundowns kuyithene amandla. 

Ukunqoba kweSundowns kuyibeka ethubeni lokuba ikhale yemuke nesicoco salo mqhudelwano yize kungeke kube lula kwazise iMagesi iwashise ijezi i-Orlando Pirates neBay ngokwehlukana. 

Ukudlala ngokuzimisela kukaRibeiro kumenze waqokwa njengomdlali ovelele wazihlomulela ngo-R100 000.