KULINDELEKE izinga eliphezulu kududulana abalandeli
ABALANDELI bamakilabhu adlala kwiBetway Premiership ethubeni lokuhlukanisela u-R250 000 kwiFans exhaswe yinkampani i-12 Man Group. Kulo mqhudelwano ozodlalwa ngamakilabhu awu-12 uzoqala ngoMgqibelo bese uphinda ushaya ibuya ngonyaka ozayo lapho kuzokube kukhona neyamanqamu.
Imidlalo izokuba sezinkundleni zemidlalo iHighbury eBluff kanti kuzokube kubangwa isiteki sika-R250 000. Izingqwele zizohlomula ngo-R100 000 kuthi abangene isibili bagoduke no-R50 000. Igatsha ngalinye elizokuba yingxenye yalo mqhudelwano lizohlomula ngo-R5 000.
UJason Zikalala we-12th Man Group, uthe: “Kujoyinwa mahhala ukubamba iqhaza kulo mqhudelwano. Silindele ukuba izxinga libe phezulu. Inhloso yethu ukunikezela ithuba lokuba bazwane amandla. Babone ukuthi abadlali basuke bebhekene nani. Besicela ukuba amagatsha angapiki. Siyacela ukuba kulandelwe imithetho. Abaphula imithetho bayojeziswa kanzima.”
UKwenzakwakhe Ngwenya oyisikhulu seSouth African Fottbal Association (Safa) KwaZulu-Natal Uthe bayafisa ukubona lo mqhudelwano undlondlobala. Kucelwa amakilabhu ukuba agcine isikhathi sokuqala kwemidlalo.
IBHEKWE ngabomvu imidlalo yabalandeli bakanobhutshuzwayo: ISITHOMBE: GOOGLE
Isiyonke imidlalo yeFans Cup ezogijinywa ngoMgqibelo imi kanje:
EHighbury Ground 1: North Coast vs Ethekwini Rigion 09h00; AmaZulu Branch vs Sundowns Branch 10h00; Midlands vs Southcoast Region 11h00.
EHighbury Ground 2: South Coast vs North Coast 09h00; Durban City Fans vs Royal AM Fans 10h05; Ethekwini Region vs Midlands 11h05