UGWETSHWE kanzima osolwa ngokusebenzisa izidakamizwa

UMSUBATHI waseNingizimu Afrika obesemncane enekusasa elihle kwezokugijima ugwetshwe iminyaka ewu-5 engazihlanganisi nezokugijima kulandela ukuthokala ukuthi usebenzisa izikhuthazi mzimba ezingavunyelwe kwezemidlalo. 

Ngokombiko weSouth Africa Institute for Drugs Free Sports kuthiwa lo msubathi kubuye imiphumela yakhe yokuhlolwa iveza ukuthi usebenzisa i-Erythropoietin (EPO) egazini lakhe okuyisikhuthazi esingagunyaziwe kwezemidlalo. 

Lo msubathi kuthiwa umphumela wokuhlolwa kwakhe mhla ka-8 May nangomhlaka-29 July ithole i-EPO egazini lakhe wabe esegigcabezwa ngeminyaka ewu-5 engazihlanganisi nezemidlalo.

UNicholas edla umhlanganiso komunye wemijaho: ISITHOMBE:GOOGLE

Kuthiwa isigwebo sakhe sizoqala mhlaka-27 August 2024 (okuwusuku aziswa ngalo ukuthi usebenzise isikhuthazi esingagunyaziwe kuze kube umhlaka-26 August ngo-2029.

UNicolas umiswe nje, ube nonyaka omuhle, unqobe iSouth Afrika National 5km Championships eqopha isikhathi esiwu-14:18. Akagcinanga lapho njengoba engene unombolo 6 kwi-Absa Run Your City eTshwane waqopha isikhathi esiwu-29:29 wabuye wangena unombolo 4 kwiSouth Africa National Half Marathon eqopha u-64:23. Lo msubathi uhlolwe kweminye yale mijaho watholakala i-EPO egazini lakhe. 

Kubanjwa lo msubathi kunamahlebezi amaningi asabalele athi kunenqwaba yabasubathi baKwaZulu-Natal okuthiwa abamisiwe abasolwa ngokusebenzisa izidakamizwa. Kulindwe abahlolayo bakhiphe amagama alabo basubathi.