IHOXISWE imali kumaSalga iHarry Gwala

IHARRY Gwala Municipality ngeke ibe yingxenye yamaSalga Games aqala ngoLwesine eThekwini kuze kube yiSonto. Lo mqhudelwano oxhaswe uMnyango wezemidlalo wesifundazwe ubizwa ngokuthi iSalga KwaZulu-Natal DSAC Games.
Kuzokube kugaduliswana emidlalweni engaphezulu kweshumi okuyi-karate, umdanso, uVolleyball, iBasketball, ibhola lezinyawo labesilisa nabesifazane, neminye. Kulo mqhudelwano kubhekwe iTheku ukuba lisivikele ngempumelelo isicoco salo mqhudelwano njengoba lenza nyakenye eKing Cetshwayo. Sekujwayelekile ukuba iTheku lizidlele amahlanga kulo mqhudelwano.
IMeya yaseHarry Gwala izwakalise ukuxolisa kubantu baseHarry Gwala ngenza yokuthi ngeke bakwazi ukubamba iqhaza kulo mqhudelwano. Ithi bazokuba yingxenye yalo mqhudelwano ngonyaka ozayo. Ithi into ebashayayo yimali.
Lo mqhudelwano usukhiqize abadlali abaningi abahlonishwayo emhlabeni. Uzovulwa ngoLwesine kuviyiyelwe kugudlwe ulwandle kubhekwe eMoses Mabhida. Ngosuku lokuvula kulindelwe uNdunankulu wesifundazwe uThami Ntuli ukuab kube nguye ozothula inkulumo yokuvula lo mqhudelwano.
Omasipala kulindeleke ukuba bafike ngoLwesine ekuseni ukuqala ukubhalisa nokunye okuthinta ukuqala kwemidlalo. Lemidlalo izobanjelwa eHoy Park, eKings Park Athletics Stadium nakwezinye izindawo. 

UMASIPALA iHarry Gwala uviliyela ngaphambi kokuqala kwemidlalo yamaSalga Games eminyakeni eyedlule. ISITHOMBE: GOOGLE

Umnotho News ungakubalula ukuthi lo masipala sekuyizikhawu eziningi ungeyona ingxenye yalo mqhudelwano wokuthuthukisa amakhono.