Kubhekwe izikhathi ezinhle kwiBest of the Best Marathon
KUBHEKWE izikhathi ezinhle kwiBest of the Best Marathon ehelwe ngamaRavens Athletics Club ezokuba ngeSonto kusuka ngo-5 ekuseni isukela eKings Park Athletics Stadium.
Irekhodi lalo mjaho ophethe isamba sika-R15 000 ngu-2:17:37 kanti lenziwa nguNkosikhona Mhlakwana. Abadidiyeli balo mjaho babeke eceleni imali ewu-R10 000 kumsubathi wesilisa ozokwenza isikhathi esingaphansi kwesikaMhlakwana kanti nasesigabeni sabesifazane yiso leso njengoba nakhona kukhona u-R10 000 ozotholwa ngumsubathi ozokwenza u-2:40:59 kaJenet Mbhele.
Lo mjaho uhambisana no-21km lapho nakhona umsubathi ozokwenza ngcono u-63:48 kaTebello Ramakongoana ezohlomula ngo-R5 000 kanti kwabesifazane kumele benze ngcono u-1:17:41 kaNontokozo Mkhize bese bethola u-R5000 ngaphezulu.Imiklomelo consist amathe kwiBest of the Best
Nakwi-10km kukhona isamba sika-R10 000 esizohlukaniselana abasubathi abazokwenza isikhathi esingaphansi kuka-28:59 kwabesilisa (Sibusiso Kubheka) no-36:07 kaTayla Kavanagh.
USiyabonga Ndlovu osanda kujoyina iXcel Running Club ukuthi ufuna ukuvula ngewini kulo mjaho ngokuba enze ngcono u-28:59 kazakwabo.
Kulo mjaho kubhekwe ukuba kwenziwe izikhathi ezinhle kakhulu kwazise umzila wawo muhle. Lo mjaho ngowokuzibekisela indawo kwiComrades Marathon nakwiTwo Oceans Marathon.
Abasubathi abangakabhalise bazolithola ithuba ngoLwesihlanu nangoMgqibelo eKings Park Athletics Stadium lapho kuzokube kulandwa khona izinamba.
USIYABONGA Ndlovu okungomunye wabasubathi okubhekwe ukuba enze kahle kwiBest of the Best 10km ngeSonto