Uqhubekile nokuzenzela emijahweni yakuleli uGerda Steyn enqoba iTwo Oceans okwesithupha kulandelana
UQHUBEKILE nokuchanasa emijahweni yamabanga amade uGerda Steyn ngemuva kokuba eqophe umlando enqoba iTotalsports Two Oceans okwesithupha kulandela. Umjaho wanonyaka ubungoMgqibelo eCape Town, uGerda Steyn osubathela iHollywood Athletics Club ushaye intambo kulo mjaho ngesikhathi esiwu-3:29:10.
Ingqwele yabesilisa kube nguKhoarahlane Seutloali waseLesotho naye ogijimela iHollywood oqophe isikhathi esiwu-3:10:43. UGerda osubathela iHollywood AC uqale ukuzihola phambili umjaho usaqala waze wayoshaya intambo. Lo msubathi ubebhekwe ngabomvu ukuba enze ngcono isikhathi sakhe sanyakenye u-3:26 kodwa wagcina ehlulekile ukusenza. Ekhuluma nabezindaba uthe ujabule kakhulu ngokuba yingqwele yalo mjaho amahlandla ayisithupha kulandelana. Ibophele abasubathi beqophelo eliphezulu iTwo Oceans yanonyaka
“Ngijabule kakhulu ngokudla umhlanaganiso kulo mjaho. Bengingalibhekile irekhodi. Obekusenqondweni yami ukunqoba lo mjaho okwesithupha kulandelana. Nalokho engikwenze ngenkulu impumelelo. Ngigijime kakhulu kwi-first half yomjaho nokuyikhona okungisize kakhulu ukunqoba lo mjaho,” kusho uGerda obhekwe ukuba enze okufanayo nakwiComrades Marathon ezokuba mhla ka-8 kuJune isukela eMgungundlovu isongwe eThekwini.Indawo yesibili kwabesifazane ithathwe nguShelmith Muriuki wase-Ethiopia owenze isisskhathi esiwu-3:37:50 kwathi uzakwabo kaGerda uNeheng Khatala waseLesotho wathatha indawo yesithathu ngo-3:40:38.USeutloali unqobe lo mjaho kunzisa esigabeni sabesilisa kwazise baze badlula ku-42km kunzima ukuagula ukuthi ngubani ongase anqobe ngoba bebengaphezulu kuka-20.
Lapho besekusela u-14km.Lo msubathi unqoba lo mjaho nje, kuzokhumbuleka ukuthi umsubathi waseLesotho wagcina ukunqoba lo mjaho ngo-2015.Indawo yesibili kwabesilisa ithathwe ngumsubathi waKwaZulu-Natal uSiboniso Skhakhane obeke u-3:11:17 kwathi uLucky Mohale obeqala ukugijima lo mjaho wangena unombolo 3 ngo-3:11:26. UNkosikhona Mhlakwana obengumunye wezomfivilithi ungene endaweni yesine.